Android qurilmalar uchun Xabar.uz mobil ilovasi. Yuklab olish ×

O‘zbekiston-Finlyandiya siyosiy maslahatlashuvlari to‘g‘risida

O‘zbekiston-Finlyandiya siyosiy maslahatlashuvlari to‘g‘risida

Foto: «President.uz»

2019-yilning 16-may kuni O‘zbekiston Respublikasi Tashqi ishlar vazirligida O‘zbekiston-Finlyandiya siyosiy maslahatlashuvlarining sakkizinchi raundi bo‘lib o‘tdi.

O‘zbekiston delegatsiyasiga Tashqi ishlar vaziri o‘rinbosari Dilshod Axatov, Finlandiya tomoniga TIVning Rossiya, Sharqiy Yevropa va Mrkaziy Osiyo bo‘yicha departamenti Bosh direktori Maymo Xenriksson rahbarlik qildilar.

Muloqot chog‘ida siyosiy, savdo-iqtisodiy, investitsiya, turizm, madaniy-gumanitar va boshqa sohalardagi ikki tomonlama munosabatlar kun tartibi, shuningdek, «O‘zbekiston - Yevropa Ittifoqi» shaklidagi hamkorlik istiqbollari muhokama qilindi.

Ta’kidlanganidek, tomonlar o‘zaro manfaatli barcha sohalarda hamkorlikni kengaytirish uchun ulkan salohiyatga ega va ikki tomonlama aloqalarni kengaytirishga tayyor.

Shu nuqtayi nazardan, so‘nggi yig‘ilishi 2002-yilda bo‘lib o‘tgan savdo-iqtisodiy va ilmiy-texnikaviy hamkorlik bo‘yicha hukumatlararo komissiyasining faoliyatini qayta tiklash taklifi ko‘rib chiqildi.

Uchrashuvda xalqaro va mintaqaviy masalalarning muhim jihatlari yuzasidan fikr almashildi.

Muzokaralarda Finlyandiyaning elchisi Mariya Elina Liivala ishtirok etdi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring