Prezident hokimlarga qo‘yilayotgan talabga to‘xtaldi
Prezident Shavkat Mirziyoyev ayni vaqtda Toshkent shahri, Uchtepa tumanidagi faollar yig‘ilishida ishtirok etmoqda. Davlat rahbari hokimlar tomonidan olib borilayotgan ishlar va ularga qo‘yilayotgan talablarga to‘xtalib o‘tdi.
«Hokim qachon uxlashini odamlar tugul, uni olib yuradigan haydovchi ham bilmay qolishi kerak. Hamma ham bu ishni eplay olmaydi.
Hokim odamlarni yurakdan yaxshi ko‘rishi kerak, u boshqacha kriteriy bilan ishlay olmaydi.
Men juda og‘ir vaqtda Mirzo Ulug‘bek tumanida hokim bo‘lib ishlaganman. O‘shanda kimdir kelib mendan: «Qanday muammong bor?» deb so‘ramagan. So‘raydigan odamning o‘zi yo‘q edi.
Hokim qattiq ishlashi kerak. Davlat yuritayotgan siyosat hokimning ishida ko‘rinadi», — dedi Shavkat Mirziyoyev.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter