Capalogy portali A Seriya (Italiya chempionati)ning eng ko‘p maosh oluvchi futbolchilari reytingini tuzdi.

«Yuventus»ning serb hujumchisi Dushan Vlahovich — Italiyada eng ko‘p maosh oluvchi futbolchi. Uning yillik ish haqi 22 mln yevro atrofida.

Solishtirish uchun: Ispaniya chempionatida eng ko‘p maosh to‘lanadigan Kilian Mbappe «Real»dan yiliga 31,2 mln yevro oladi. Umuman olganda, eng yuqori maoshlar ispan klublarida italyan klublariga qaraganda sezilardi darajada baland: Italiya chempionatidagi maoshi eng yaxshi uch futbolchigina La Liga top-20ligiga kira olgan bo‘lardi.

A Seriya: eng yuqori maosh oluvchi futbolchilar (top-15):

1. Dushan Vlahovich («Yuventus») — 22 mln yevro
2. Lautaro Martines («Inter») — 16,6 mln yevro
3. Paulo Dibala («Roma») — 12,9 mln yevro
4. Nikolo Barella («Inter») — 12 mln yevro
5. Jonatan Devid («Yuventus») — 11,1 mln yevro
6. Hoqon Chalxono‘g‘li («Inter») — 11,1 mln yevro
7. Kevin De Bryuyne («Napoli») — 11,1 mln yevro
8. Alessandro Bastoni («Inter») — 10,1 mln yevro
9. Bremer («Yuventus») — 9,2 mln yevro
10. Pyotr Zelinski («Inter») — 8,3 mln yevro
11. Alvaro Morata («Komo») — 8,3 mln yevro
12. Markus Tyuram («Inter») — 7,6 mln yevro
13. Romelu Lukaku («Napoli») — 7,6 mln yevro
14. Federiko Dimarko («Inter») — 7,4 mln yevro
15. Ismoil Bennaser («Milan») — 7 mln yevro