Bugun O‘zbekiston futbol assotsiatsiyasi O‘zbekistonda yilning eng yaxshilarini taqdirlashga bag‘ishlangan marosimni o‘tkazdi. Marosimda ramziy terma jamoa ham aniqlandi.

2021 yilning eng yaxshi futbolchisi nomiga Italiyaning «Roma» jamoasi hujumchisi Eldor Shomurodov munosib topildi. Unga Husayn Norchayev va Jaloliddin Masharipov raqiblik qilgandi.

Eng yaxshi murabbiy esa «Nasaf» klubi bosh murabbiyi Ro‘ziqul Berdiyev bo‘ldi. U bu borada Ulug‘bek Baqoyev («So‘g‘diyona») va Temur Kapadzeni (yoshlar terma jamoasi) ortda qoldirdi.

Shuningdek, Superliganing 2021 yilgi mavsum ramziy terma jamoasi ham aniqlandi. Undan joy olgan futbolchilar:

• Darvozabon: O‘tkir Yusupov (Navbahor)
• Himoyachilar: Marko Kolakovich (So‘g‘diyona), Anzur Ismoilov (Paxtakor), Husniddin Aliqulov (Nasaf), Sherzod Nasrullayev (Nasaf)
• Yarim himoyachilar: Sanjar Tursunov (AGMK), Erkin Boydullayev (Qizilqum), Dragan Cheran (Paxtakor)
• Hujumchilar: Shohruz Norxonov (So‘g‘diyona), Husain Norchayev (Nasaf), Azizbek Amonov (Lokomotiv)
• Murabbiy: Ulug‘bek Baqoyev (So‘g‘diyona)