UEFA Chempionlar ligasining ramziy terma jamoasini tuzdi
UEFA rasmiy saytida Chempionlar ligasining 2021/2022-yillar mavsumi ramziy terma jamoasi e’lon qilindi.
Ramziy terma jamoaga finalda to‘p surgan «Real» va «Liverpul»ning to‘rttadan, shuningdek, «Chelsi», «Pari Sen-Jermen» va «Manchester Siti»ning bittadan futbolchisi kiritildi.
Mavsum jamoasi sportchilarning shaxsiy ko‘rsatkichlarini baholagan texnik kuzatuvchilar tomonidan shakllantirildi.
Darvozabon: Tibo Kurtua («Real»);
Himoyachilar: Trent Aleksander-Arnold, Virjil van Deyk, Endi Robertson (hammasi — «Liverpul»), Antonio Ryudiger («Chelsi»);
Yarimhimoyachilar: Kevin de Bryuyne («Manchester Siti»), Fabino («Liverpul»), Luka Modrich («Real»);
Hujumchilar: Kilian Mbappe («Pari Sen-Jermen»), Karim Benzema («Real»), Vinisius Junior («Real»).
Eslatib o‘tamiz, Chempionlar ligasi finalida «Real» 1:0 hisobida «Liverpul»ni yengib, 14-marta Yevropa chempioniga aylangandi. Yagona golni 59-daqiqada Vinisius Junior kiritgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter