Maktabgacha va maktab ta’limi vaziriga birinchi o‘rinbosar tayinlandi
Prezident qarori bilan Sherzod Karimov Maktabgacha va maktab ta’limi vazirining birinchi o‘rinbosari lavozimiga tayinlandi.
Sherzod Karimov 2006-2012-yillarda xalq ta’limi tizimida, 2012-2018-yillarda o‘rta maxsus, kasb-hunar ta’limi tizimida ishlagan.
2018-2024-yillarda Vazirlar Mahkamasi ta’lim, Ijtimoiy rivojlanish masalalari departamenti, kotibiyati, bo‘limida yetakchi, bosh mutaxassis, sho‘’ba mudiri, kotibiyat mudirining o‘rinbosari lavozimlarida ishlagan.
2024-yil 28-fevraldan buyon O‘zbekiston Respublikasi Vazirlar Mahkamasi “Mahalla yettiligi”, yoshlar siyosati va ma’naviyat masalalari departamenti Yoshlar siyosati, maktabgacha va maktab ta’limi, sog‘liqni saqlash va ma’naviyat masalalari bo‘limining boshlig‘i lavozimida faoliyat yuritib kelayotgan edi.
Eslatib o‘tamiz, Maktabgacha va maktab ta’limi vazirining avvalgi birinchi o‘rinbosari Usmon Sharifxo‘jayev Ijtimoiy himoya agentligiga ishga o‘tgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter