Android qurilmalar uchun Xabar.uz mobil ilovasi. Yuklab olish ×

Barcha narx toifalarida eng yaxshi android-smartfonlar aniqlandi

Barcha narx toifalarida eng yaxshi android-smartfonlar aniqlandi

Foto: Realme

AnTuTu benchmarki bir nechta qiymat toifasida narx va samaradorlik bo‘yicha Android-smartfonlarning mart oyi reytingini tuzdi.

999 yuan (137 dollar)gacha. Bu toifada Unisoc T760 chipi o‘rnatilgan Nubia Mavericks yetakchi bo‘ldi. Keyingi o‘rinlarda — Vivo Y200t va Oppo Z9x (har ikkisi Snapdragon 6 Gen 1 protsessorida ishlaydi).

1999 yuan (275 dollar)gacha. Realme Neo 7, iQOO Z9 Turbo+ hamda Realme GT6 ushbu yo‘nalishda eng yaxshi smartfonlar deb topildi. Dastlabki ikki smartfon o‘tgan yilgi MediaTek Dimensity 9300+ flagman protsessorida ishlaydi, Realme GT6 esa eng so‘nggi Snapdragon 8 Gen 3 chipi bilan ta’minlangan.

2999 yuan (410 dollar)gacha. Bu toifani eng yaxshi Snapdragon 8 Elite protsessorida ishlovchi kamdan-kam hamyonbop smartfonlardan biri Realme GT7 Pro Racing boshqarmoqda. Ikkinchi va uchinchi o‘rinlar iQOO Neo10 Pro (MediaTek Dimensity 9400) va iQOO Neo10 (Snapdragon 8 Gen 3) o‘rtasida taqsimlandi.

3999 yuan (550 dollar)gacha smartfonlar orasida eng yaxshisi — Realme GT7 Pro, uning ta’qibchilari — Redmi K80 Pro va OnePlus 13. Har uch model Snapdragon 8 Elite protsessorida ishlaydi.

3999 yuan (550 dollar)dan yuqori narxli smartfonlar reytingida Red Magic 10 Pro, Honor Magic7 va Xiaomi 15 flagmanlari yetakchilar deb topildi. Ular ham Snapdragon 8 Elite protsessorlari bilan ta’minlangan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring