«CES 2018»: «Samsung» yangi «Notebook 7 Spin» noutbuk-transformerini taqdim etadi
Noutbuk 360 gradusga qayrilib, planshet ko‘rinishiga keladi.
9 yanvar kuni Las-Vegasda «CES 2018» elektronika ko‘rgazmasi ochiladi. Dastlabki ma’lumotlarga ko‘ra, unda dunyoning 4000dan ziyod kompaniyasi yangi ishlanmalari va mahsulotlarini namoyish etadi.
Ko‘rgazma boshlanishiga hali biroz vaqt bo‘lsa-da, unda namoyish etiladigan yangiliklar ma’lum qilinmoqda. Jumladan, «Samsung» yangi «Notebook 7 Spin» noutbuk-transformerini taqdim etadi. Bu haqida «Hi-tech.mail.ru» xabar berdi.
«Notebook 7 Spin»ning yangi avlodi avvalgilaridan ko‘p ham farq qilmaydi. Noutbukni 360 gradusga qayirish va uni planshet sifatida ishlatish mumkin.
Displey diagonali 13,3 dyuymni tashkil qiladi. Noutbuk «Core-i5» protsessorining sakkizinchi avlodida ishlaydi. 8 GB operativ va 256 GB SSD xotirasi bor.
Noutbuk barmoq izi skaneri hamda yuzni tanuvchi «Windows Hello» texnologisini qo‘llaydi.
Uning narxi aynan ko‘rgazma vaqtida ma’lum bo‘lishi kutilyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter