Endi yangi uylar optik internet bilan topshiriladi
Joriy yildan barcha yangi qurilgan ko‘p qavatli uylar optik internet bilan foydalanishga topshirilyapti. Bu haqda prezident yig‘ilishida so‘z borgan.
Axborot texnologiyalari vazirligining faoliyati va 2022 yildagi rejalari muhokamasiga bag‘ishlangan yig‘ilishda so‘nggi yillarda IT sohasi butkul yangidan tashkil etilgani aytilgan. Masalan, 2017 yilda sohaning eksporti hajmi bor-yo‘g‘i 600 ming dollar bo‘lgan bo‘lsa, o‘tgan yili bu ko‘rsatkich 46 million dollarga yetgan.
Joriy yilning birinchi choragida:
- IT xizmatlari eksporti 16 million dollarni tashkil etib, o‘tgan yilning mos davriga nisbatan qariyb 4 barobar oshdi;
- joylarda qo‘shimcha 2 ming 800 ta mobil aloqa stansiyalari o‘rnatildi (3 barobar ko‘p);
- IT-park tomonidan 1,5 ming yoshlar ish bilan ta’minlanib, umumiy soni 11,5 ming nafarga yetdi.
Shuningdek, «Bir million dasturchi» loyihasi doirasida o‘qib chiqqan yoshlar soha kelajagi uchun mustahkam poydevor yaratayotgani aytilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter