Times New Roman va Calibri shriftlari Microsoft Office foydalanuvchilariga juda yaxshi tanish. Birinchisi shunchalik eskiki, qachon chiqqanini ishlab chiqaruvchining o‘zi ham yaxshi eslolmasa kerak. Haqiqiy klassika... Ikkinchisi esa 2007-yilda chiqqan. O‘shandan beri kompaniya sukut bo‘yicha sozlangan shriftni o‘zgartirmagandi.

Navbatdagi o‘zgartirish ham ko‘p shoshilinch emas: 2022-yildan dasturlarda paydo bo‘ladi. Hozircha «Microsoft» keng ko‘lamli ovoz berish o‘tkazyapti — foydalanuvchilar taklif etilgan beshta shriftdan bittasini tanlab berishlari lozim, eng ko‘p ovoz to‘plagani Microsoft 365 yangi dasturlarida paydo bo‘ladi, deb yozmoqda SRSLY.

Beshta shrift kompaniyaning «Twitter»dagi sahifasida taqdim etilgan: Grandview, Seaford, Skeena, Bierstadt va Tenorite.

We need to talk. What should our next default font be? pic.twitter.com/fV9thfdAr4

— Microsoft (@Microsoft) April 28, 2021

Dizaynerlar ularni imkon qadar oson o‘qiladigan ko‘rinishga keltirish uchun ter to‘kishgan. Ko‘ring, ovoz bering, kelajakda balki foydasi tegib qolar.