Toshkent davlat agrar universiteti Innovatsion texnologiyalar asosida maxsulotlarni saqlash va qayta ishlash fakulteti 1-bosqich talabasi Saidali Abror va uning jamoadoshlari Diyor Hamidov, Abror Yuldoshevlarning «Start-up tashabbuslari-2018» tanlovida ishtirok etayotgan  «Qr-book service» loyihasi Toshkent davlat agar universitetida keng ko‘lamda joriy etila boshladi. Bu haqda universitet matbuot xizmati xabar berdi. 

Toshkent davlat agrar universitetining har bir kafedrasida o‘z yo‘nalishiga oid elektron kitob javonlari ko‘rinishidagi stendlar tashkil qilinmoqda. Ushbu tizim orqali talabalar zarur kitoblarini qidirish uchun vaqt sarflamaydi. Professor-o‘qituvchilar tomonidan tavsiya etilgan o‘quv qo‘llanma va darsliklardan foydalanish uchun o‘z smartfoni orqali kitoblarni elektron nushasini «QR-kod» orqali  yuklab olib foydalanishlari mumkin.

«Ushbu kutubxona talabalarga qo‘shimcha qulaylik yaratish va ularning savodxonligini oshirish maqsadida ixtiro qilingan, qolaversa yoshlarning kitobga qiziqishini oshirish, mutolaa madaniyatini yuksaltirish, borasida olib borilayotgan keng ko‘lamli ishlarning yorqin ifodasi sifatida joriy etilgan» -deydi ushbu tizim  targ‘ibchisilaridan biri Saidali Abror.

Hozirda bu tizim universitetning hududida, ya’ni o‘rindiqlar, dam olish maskanlarida 6ta «Qr-book» tizimida ishlovchi kitob mutolaa qilish joylari tashkil etilmoqda.