Afg‘onistonda 10 millionga yaqin bola tirik qolish uchun kurashmoqda – BMT
BMTning Bolalar jamg‘armasi (YuNISEF) Afg‘onistonda gumanitar yordam ko‘rsatishni davom etadi, chunki 10 millionga yaqin bola yordamga muhtojligicha qolmoqda. Bu haqda fondning ijrochi direktori Henrietta For ma’lum qildi.
«Bugungi kunda Afg‘onistonda 10 millionga yaqin bola tirik qolish uchun kurashmoqda. Taxminan 1 millionga yaqini yil davomida kuchli ocharchilikka duch keladi va davolanmasdan o‘lishi mumkin», – deydi For.
U 4,2 millionga yaqin afg‘on yoshlari, shu jumladan 2,2 milliondan ziyod qizlar maktabga chiqmayotganini ham eslatib o‘tdi.
Yanvar oyidan buyon BMT vakillari mamlakatda bolalar huquqlari buzilishining 2000 dan ortiq holatlarini hujjatlashtirgan.
YuNISEF kelgusi oylarda Afg‘onistonda kuchli qurg‘oqchilik va koronavirus pandemiyasining dahshatli oqibatlari tufayli gumanitar yordamga ehtiyoj yanada ortadi, degan taxminni bildirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter