Bashar Asad Suriyani tark etdi – Rossiya TIV
Rossiya TIV Bashar Asad muxolifatning ayrim vakillari bilan muzokaralarda hokimiyatni tinch yo‘l bilan topshirishga rozilik bildirgani va Suriyani tark etganini ma’lum qildi.
Rossiya esa bu muzokaralarda qatnashmagan.
Shuningdek, Rossiya TIV «barcha manfaatdor tomonlarni zo‘ravonlikdan voz kechishga va barcha boshqaruv muammolarini siyosiy yo‘llar bilan hal qilishga» chaqirgan va Suriya muxolifati bilan aloqada ekanini bildirgan.
«Rossiyaning Suriyadagi harbiy bazalari shay holatga keltirildi. Ayni paytda ularning xavfsizligiga jiddiy tahdid mavjud emas», – deyiladi xabarda.
Shu bilan birga Suriyadagi Rossiya fuqarolarining xavfsizligini ta’minlash uchun zarur choralar ko‘rilayotgani qo‘shimcha qilinadi.
Eslatib o‘tamiz, bir muddat oldin Bashar Asad aviahalokat qurboni bo‘lgani to‘g‘risidagi xabarlarni tarqalgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter