Buyuk Britaniya hukumati AQShning Eronga o‘z havo bazalaridan zarbalar yo‘llashiga ruxsat berishdan bosh tortmoqda. The Times bu haqda manbalarga asoslanib xabar bergan. 

Gazetaning ta’kidlashicha, AQShning Eronga zarba berish rejalari Glostershir shtatidagi Feyrford va Hind okeanidagi Diyego Garsiya orolidagi Britaniya havo bazalaridan foydalanishni o‘z ichiga oladi. 

Bir kun oldin Tramp Buyuk Britaniya bosh vaziri Kir Starmerni Diyego Garsiya orolini Mavrikiyga bermaslikka chaqirgan edi, chunki u yerda strategik ahamiyatga ega AQSh harbiy bazasi joylashgan. 

Har ikkala ob’yekt ham AQSh havo kuchlari tomonidan ko‘p yillardan beri foydalanib kelinmoqda (masalan, Feyrford Yevropada joylashgan AQShning og‘ir bombardimonchi samolyotlariga mezbonlik qiladi). Biroq, Buyuk Britaniya va AQSh o‘rtasidagi uzoq muddatli kelishuvga ko‘ra, amerikaliklar tomonidan harbiy operatsiyalar uchun ulardan foydalanish Britaniya rasmiylarining oldindan roziligini talab qiladi. 

Britaniya hukumatining pozitsiyasi xalqaro huquqqa ko‘ra, zarbani amalga oshirgan tomon va uni qo‘llab-quvvatlagan tomon o‘rtasida hech qanday farq yo‘qligi bilan izohlanadi. Nashrning fikricha, Britaniya rasmiylari AQSh Eronga zarba berish orqali xalqaro huquqni buzishdan qo‘rqadi.