Telegramga bo‘lgan har qanday bosim o‘tkazish urinishini oshkor qilishda davom etaman – Durov.

Telegram ijtimoiy tarmog‘i asoschisi Pavel Durov bir yil oldin Fransiya maxsus xizmatlari vositachi orqali undan Moldova hukumatiga ushbu mamlakatda prezidentlik saylovlari oldidan messenjerdagi ayrim kanallarni senzura qilishda ko‘maklashishni so‘raganini ma’lum qildi.

Shuningdek, xabarda Telegram Fransiya va Moldova rasmiy idoralari tomonidan ko‘rsatilgan kanallarni tekshirgandan so‘ng, ularning bir nechtasi haqiqatan ham platformaning ichki qoidalarini buzgani aniqlangan va o‘chirib tashlangani aytiladi.

"Keyin vositachi menga ushbu hamkorlik evaziga fransuz razvedkasi go‘yoki o‘tgan yilning avgust oyida meni qamoqqa olish uchun order bergan sudyaga men haqimda “ijobiy fikr bildirishi”ni aytdi”, – deb ma’lum qildi u.

Durov bunday taklifni mutlaqo nomaqbul deb hisoblaganini ta’kidlagan. Uning so‘zlariga ko‘ra, agar razvedka haqiqatan ham sudyaga ta’sir o‘tkazishga uringan bo‘lsa, buni sud jarayoniga aralashish deb baholash mumkin.