Yerevan markazidagi gipermarketlardan birida portlash sodir bo‘ldi (video)
Armaniston poytaxti Yerevandagi savdo markazida yirik portlash ro‘y berdi. Portlash oqibatida 1 kishi halok bo‘lgan, jabrlanganlar soni esa 20 kishiga yetgan.
Armaniston favqulodda vaziyatlar vazirligi bergan ma’lumotlarga ko‘ra, voqea joyida ayni paytda yong‘in-qutqaruv guruhining 6 ta jamoasi ish olib bormoqda. Portlashdan so‘ng sodir bo‘lgan yong‘in 3-darajali deb topilgan.
Voqea sodir bo‘lgan hududga yaqin yashovchi mahalliy aholi vakillaridan birining guvohlik berishicha, dastlabki portlashdan so‘ng ham yana bir portlash kuzatilgan. «Novosti-Armeniya»ning bergan ma’lumotiga ko‘ra, bu pirotexnika vositalari saqlanadigan omborxonalardan biri bo‘lgan.
2021-yilning aprel oyida ham ushbu savdo markazida yong‘in kelib chiqqan va yong‘inning yumshoq o‘yinchoqlar hamda xo‘jalik mollari savdosi bo‘ladigan do‘konlarda boshlangani aniqlangan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter