Eron Isroilning hujumiga «tez, to‘g‘ridan-to‘g‘ri va qat’iy» javob beradi — Elchi
Eronning Damashqdagi elchisi Husayn Akberining aytishicha, uning mamlakati Damashqdagi Eron konsulligi binosiga Isroil havo hujumi uyushtirganiga «tez, to‘g‘ridan-to‘g‘ri va qat’iy» javob qaytaradi.
Eronning IRNA rasmiy axborot agentligining xabar berishicha, Isroil qiruvchi samolyotlari yordamida Damashqdagi Eron konsulligi binosiga 6 marta raketa zarbasini bergan.
Hujum natijasida ikki nafar general hamda elchixonaning 5 nafar xodimi halok bo‘ldi.
Suriya tashqi ishlar vaziri Faysal al-Miqdod Damashqdagi hujumga uchragan Eron elchixonasi majmuasiga tashrif buyurdi.
«Begunoh odamlarning o‘limiga sabab bo‘lgan bu hujumni keskin qoralaymiz. Suriya Eronni qo‘llab-quvvatlashda davom etadi. Isroilning bu hujumi G‘azodagi Falastin xalqiga qarshi urushdagi muvaffaqiyatsizligining bir ko‘rinishidir», degan Suriya vaziri.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas