Erondagi portlashlarni kim uyushtirgani ma’lum bo‘ldi
3-yanvar kuni Eronning Kermon shahrida sodir etilgan portlashlar uchun javobgarlikni IShID jangarilari o‘z zimmasiga oldi. Bu portlashlarda 103 kishi halok bo‘lgan edi.
Bu haqda xabar berayotgan Reuters nashrining aniqlik kiritishicha, chorshanba kungi portlashda IShIDning ikki a’zosi Qosim Sulaymoniy o‘limining 4 yilligi munosabati bilan yig‘ilgan olomon orasiga kirib portlovchi kamarlarini ishga tushirgan.
Eslatib o‘tamiz, avvalroq Eron rasmiylari 103 kishi halok bo‘lgan va 180 dan ortiq kishi jarohatlangan terakt tashkilotchilaridan «qasos olishga» va’da bergan edi.
Portlashlar 3-yanvar kuni qabristonga kiraverishda sodir bo‘lgandi. Rasmiylar uch kunlik motam e’lon qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter