Fransiyada yangi prezident saylanmoqda
Bugun, 10-aprel kuni Fransiyada prezidentlik saylovlari boshlandi.
Bugun saylovlarning birinchi bosqichi bo‘lib o‘tadi – bu lavozim uchun 12 nomzod kurashadi. Amaldagi prezident Emmanuyel Makron va Milliy front yetakchisi Marin Le Pen siyosiy jarayonning asosiy favoritlari sifatida ko‘rilmoqda. Uchinchi o‘rinda esa siyosatchi Jan-Lyuk Melanshon ko‘rsatilgan.
Saylovchilar ro‘yxatida 48,7 million fransuz bor. Butun mamlakat bo‘ylab 70 mingga yaqin saylov uchastkalari ishlaydi.
13 aprel kuni Fransiya Konstitutsiyaviy kengashi birinchi tur natijalarini va 24 aprelga belgilangan ikkinchi turga chiqadigan ikki nomzodni tasdiqlashi kerak.
Bir kun avval Fransiyada o‘tkazilgan saylovoldi so‘rovi Makronning Le Pendan 1 foizga ustunligini ko‘rsatdi.
«The Economist» jurnali esa Makronning g‘alaba qozonish imkoniyatini 100dan 77 ga baholagan.
Eslatib o‘tamiz, 2017 yilda Makron ikkinchi turda Le Pendan katta farq bilan ustun kelgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter