Hindiston va Pokiston o‘t ochishni to‘xtatishga kelishib oldi — Tramp
AQSh prezidenti Donald Trampning ta’kidlashicha, Hindiston va Pokiston «to‘liq va zudlik bilan» o‘t ochishni to‘xtatishga kelishib oldi.
«Qo‘shma Shtatlar vositachiligida uzoq davom etgan tungi muzokaralardan so‘ng, Hindiston va Pokiston to‘liq va zudlik bilan o‘t ochishni to‘xtatishga kelishib olganliklarini mamnuniyat bilan ma’lum qilaman. Har ikki mamlakatni sog‘lom va oqilona qarorga kelgani bilan tabriklayman. Ushbu masalaga e’tibor qaratganingiz uchun rahmat!», — deb yozdi AQSh prezidenti Truth Social ijtimoiy tarmog‘ida.
Pokiston tashqi ishlar vaziri Is’hoq Dar o‘t ochishni to‘xtatish haqidagi xabarni tasdiqladi. Hindiston tomoni hozircha bayonot bergan emas.
To‘ldirilgan xabar!
Hindiston ham xabarni tasdiqladi. Ta’kidlanishicha, Hindiston va Pokiston quruqlik, havo va dengizdagi barcha otishmalar va harbiy harakatlarni bugun mahalliy vaqt bilan soat 17:00 (bizning vaqt bilan soat 16:30)da to‘xtatdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter