Hindistonlik mashhur aktyor uyida pichoqlab ketildi
Hindistonlik aktyor Sayf Ali Xon 16 yanvarga o‘tar kechasi Mumbaydagi xonadonida bosqinchi tomonidan pichoqlab ketildi. Bu haqda Hindiston politsiyasi ma’lum qildi.
Politsiya ma’lumotiga ko‘ra, jinoyatchi Xonning Mumbayning nufuzli hududida joylashgan xonadoniga erta tongda o‘g‘irlik niyatida kirgan. Xonadonda aktyorning rafiqasi, Bollivud aktrisasi Karina Kapur, ularning to‘rt va sakkiz yoshli ikki farzandi va xizmatchi ham bo‘lgan. Ularga zarar yetmagan. Sayf Ali Xonni esa jinoyatchi olti bor pichoqlagan.
Aktyor shifoxonada, pichoq jarohatlaridan biri umurtqa pog‘onasi yonidan o‘tgan. Shifokorlar bir necha soat davomida operatsiya o‘tkazishgan.
Jinoyatchi qochishga muvaffaq bo‘lgan, politsiya uni qidirmoqda. Voqea yuzasidan surishtiruv ishlari boshlangan.
54 yoshli Saif Ali Xon 1990 yillarning boshidan beri qator hind filmlarida bosh rollarni ijro qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter