Netanyahu Trampning oldida Qatardan uzr so‘radi
Isroil Bosh vaziri Binyamin Netanyaxu Qatarga hujum sabab uzr so‘rab chiqqani xabar berildi.
Isroil hukumati rahbari Qatar bosh vaziri Muhammad bin Abdulrahmon Ol-Taniga qo‘ng‘iroq qilib, Isroilning 9-sentyabr kuni Dohaga bergan zarbasi uchun uzr so‘radi. Hujumda Qatar xavfsizlik zobiti va Falastin HAMAS harakatining bir necha a’zosi halok bo‘lgandi.
Isroilning 12-kanaliga ko‘ra, qo‘ng‘iroq Oq Uydan turib, Netanyaxuning AQSh prezidenti Donald Tramp bilan uchrashuvi chog‘ida amalga oshirilgan, u ham qo‘ng‘iroqda ishtirok etgan.
Xabar qilinishicha, Netanyaxu Qatar suvereniteti buzilganidan afsusda ekanini bildirgan va qurbonning oilasiga tovon puli to‘lash imkoniyatini ko‘targan.
Eslatib o‘tamiz, Isroil 9 sentyabr kuni Dohaga zarbalar berdi. Ushbu hujumni, jahon hamjamiyati, jumladan O‘zbekiston ham qoraladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter