Qozog‘iston Senati Nursulton Nazarboyevning Xavfsizlik Kengashi va Qozog‘iston xalqlari assambleyasiga umrbod raisligini bekor qilishni ma’qulladi. 

Qozog‘iston parlamenti senati payshanba kuni bo‘lib o‘tgan yalpi majlisda «Qozog‘iston Respublikasining ayrim qonun hujjatlariga o‘zgartishlar kiritish to‘g‘risida»gi qonunni qabul qildi.

«Qozog‘iston xalqi assambleyasi to‘g‘risida»gi qonun Qozog‘istonning birinchi prezidenti — Elboshining (Nursulton Nazarboyev) Qozog‘iston xalqi assambleyasiga umrbod rahbarlik qilish huquqini istisno qilishni taklif qildi.

«Xavfsizlik kengashi to‘g‘risida»gi qonun. Qozog‘iston Respublikasining birinchi prezidenti – Elboshining Xavfsizlik Kengashiga rahbarlik qilish va Xavfsizlik Kengashi apparati faoliyati bilan bog‘liq masalalarni hal etish uchun umrbod huquqini istisno qiluvchi o‘zgartirishlar kiritishni taklif qiladi», — deyiladi qonun bo‘yicha xulosada.

2021-yil aprelida Nazarboyev Qozog‘iston xalqi assambleyasi raisi vakolatlarini mamlakatning amaldagi prezidenti Qosim-Jomart To‘qayevga o‘tkazgan edi. Xavfsizlik kengashi rahbari lavozimini esa 2022 yil yanvar oyidagi tartibsizliklar paytida To‘qayevga o‘tkazilgandi.