Suriyada yagona harbiy hukumat tuziladi
Suriyada hokimiyatni qo‘lga kiritgan muxolifat guruhlari yagona harbiy hukumat tuzish niyatida, bu haqda RIA Novosti o‘z manbalariga asoslanib xabar berdi.
Barcha harbiylashgan guruhlar va muxolifat birlashmalarini tarqatib yuborish va ularni harbiy amaliyotlar boshqaruvi ostida birlashtirish zaruriyati muhokama qilinmoqda, deyiladi xabarda.
Eslatib o‘tamiz, 8-dekabr kuni muxolifat kuchlari Damashqni egalladi. Suriya prezidenti Bashar Asad oilasi bilan mamlakatni tark etib, Moskvadan boshpana oldi. Suriyaning jahondagi barcha elchixonalari o‘z ramzlarini muxolifat bayroqlariga o‘zgartirmoqda.
Suriya hukumati rahbari Al-Jaloliy hokimiyatni tinch yo‘l bilan muxolifatga topshirishga tayyorligini ma’lum qilgan.
9-dekabr kuni Suriya muxolifati mamlakatda hokimiyatning 18 oylik o‘tish davri va yangi hukumat tizimini shakllantirish bo‘yicha majburiyatlarini e’lon qilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter