Donald Tramp ma’muriyati 183 davlat, jumladan, O‘zbekiston uchun import bojlarini joriy qildi. To‘lovlar 10 foizdan 50 foizgacha bo‘lib, bu – u yoki bu mamlakatning AQSh mahsulotlariga nisbatan belgilagan import bojiga bog‘liq.

Asosiy tarif, AQShdan kelgan tovarlarga bojni 10 foizgacha belgilagan mamlakatlar uchun, 10 foiz etib belgilangan. 50 foizlik import boji esa Lesoto hamda Sent-Per va Mikelon uchun joriy qilingan.

O‘zbekiston va MDHning aksariyat mamlakatlari uchun (Qozog‘iston va Moldovadan tashqari) – 10 foiz.

Qozog‘iston – 27 foiz, Moldova – 31 foiz.

Bundan tashqari, Yevroittifoq davlatlariga – 20 foiz, Xitoy – 34 foiz Vetnam – 46 foiz, Yaponiya – 24 foiz, Buyuk Britaniya – 10 foiz.

O‘z navbatida, Donald Tramp, agar boshqa davlatlar javob choralarini joriy etsa yoki AQShda ishlab chiqarish quvvatlari va ishlab chiqarish hajmi pasayishda davom etsa, tariflar miqdori va ularning qo‘llanilish sohasini o‘zgartirish huquqini o‘zida saqlab qolishini aytgan.