Ukraina qachon NATOga kirishi mumkinligi aytildi
Ukraina 2023-yilda emas, 2024-yilda Vashingtonda bo‘lib o‘tadigan sammitda NATOga taklifnoma olishi mumkin.
Bunday fikrni mamlakat Oliy Radasining NATO Parlament Assambleyasidagi doimiy delegatsiyasi rahbari Yegor Chernev bildirgan.
«Aniq sanalar ko‘rsatilgan taklif, menimcha, 2023-yilda bo‘lmaydi. Ammo umid qilamanki, Vashingtonda bu birinchi raqamli savol bo‘ladi», degan u.
Shu bilan birga, Chernev Kiyev Vilnyusda «xavfsizlik kafolatlari» olishiga umid qilmoqda.
«Xavfsizlik NATOga to‘laqonli a’zo bo‘lgunimizcha kafolatlanadi. Bu, menimcha, biz bugun Vilnyusdagi sammitda erisha oladigan maksimal ko‘rsatkichdir», — dedi u.
Uning so‘zlariga ko‘ra, Ukraina G‘arb davlatlaridan qurolli mojaro tugaganidan keyin NATOga qo‘shilish haqida kafolat olmoqchi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter