Bugun, 21-noyabr sanasida prezident Vladimir Putin rossiyaliklarga videomurojaat qildi.

Uning murojaatidan asosiy iqtiboslarni keltiramiz:

• 19-noyabr kuni 6 ta ATACMS raketasi va 21-noyabrda Storm Shadow tizimlarida Kursk va Bryansk oblastlaridagi obyektlarga zarba berildi.
• Ukrainadagi nizo RF bo‘ylab g‘arb raketalarida zarba berilganidan so‘ng global xususiyat oldi.
• Bunga javoban Rossiya Dnepropetrovskdagi harbiy-sanoat kompleksiga kombinatsiyalashgan zarba berdi. Jumladan, yangi — o‘rta uzoqlikdagi gipertovushli yadrosiz ballistik raketalar («Oreshnik»)da zarba berildi. Sinov muvaffaqiyatli o‘tdi.
• AQSh 2019-yilda kichik va o‘rta uzoqlikdagi raketalar to‘g‘risidagi shartnomani o‘ylab topilgan bahona bilan buzib xato qildi. AQSh bunday tizimlarini nafaqat ishlab chiqarmoqda, balki Yevropaga ham joylashtirishni ko‘zlamoqda. «Oreshnik» raketa tizimini joylashtirish masalasi AQSh va uning satellitlarining xatti-harakatlariga qarab hal qilinadi.
• Qurollarini bizning obyektlarimizga qarshi qo‘llashga o‘zlarini haqli deb hisoblovchi davlatlarga qarshi biz ham o‘z qurollarimizni qo‘llashga haqli deb hisoblaymiz. Tajovuzkor harakatlar kuchayishiga biz ham qat’iy va ko‘zguli javob qaytaramiz.
• Bunday qurol («Oreshnik»)ga qarshi tura oladigan vositalar bugungi kunda yo‘q. Bu raketalar 10 max tezlikda (soniyasiga 2,5-3 km) hujum qiladi. Havo hujumiga qarshi zamonaviy tizimlar bunday raketalarni ushlay olmaydi.