Zilzila qurbonlari mingga yaqinlashdi — OAV
Afg‘onistonning ikkita viloyatida sodir bo‘lgan kuchli zilzila oqibatida halok bo‘lganlar soni ming nafarga yaqinlashgan. Bu haqda Aamaj News xabar tarqatgan.
«Paxtika va Xost viloyatlaridagi zilzila qurbonlari soni 920 kishiga yetgan, 610 kishi jarohatlangan», deyiladi rasmiy xabarda.
«Tolibon» boshqaruvidagi Afg‘oniston hukumati yer qimirlashiga oid shoshilinch yig‘ilish o‘tkazgan. Unda zilziladan jabr ko‘rganlarga zudlik bilan yordam ko‘rsatish vazifasi topshirilgan.
Shuningdek, ikki viloyat hududiga tez tibbiy yordam, oziq-ovqat, kiyim-kechak va jabr ko‘rgan oilalarga mablag‘ yuborish masalasi ham ko‘tarilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter