Машинани «права»сиз бошқаришга рухсат этилади — Қозоғистон
Қозоғистон президенти Қосим Жўмарт-Тоқаев мамлакат йўлларида ҳаракатланиш қоидаларига ўзгартириш киритадиган қонунга имзо чекди.
Қонунга кўра, 2022 йилдан мамлакатда ўн йилдан ошган автобусларни рўйхатдан ўтказиш тақиқланади. Бу билан йўлларда хавфсизликни оширишмоқчи.
Янги қонун ҳайдовчиларга машинани ҳайдовчилик гувоҳномаси ва транспорт воситаси рўйхатга олингани тўғрисидаги ҳужжатсиз бошқаришга рухсат беради. Бу ҳақда Қозоғистон президенти матбуот хизмати 1 февраль куни маълум қилди.
Ҳайдовчининг ёнида шахсини тасдиқловчи ҳужжат бўлиши кифоя. Полициячилар қолган маълумотларни планшетдан кўриб олишади. Бунинг учун етарли маълумотлар базаси шакллантирилади. «Права» ва транспорт воситаси ҳужжатисиз юрганлик учун жавобгарлик ҳам бекор қилинмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter