7–9 июл кунлари айрим ҳудудларда сел-сув тошқинлари хавфи кутилмоқда — Ўзгидромет
![7–9 июл кунлари айрим ҳудудларда сел-сув тошқинлари хавфи кутилмоқда — Ўзгидромет](http://static.xabar.uz/crop/3/4/720_460_95_3418927071.jpg)
Ўзгидромет «Тезкор гидрометеорологик ахборот»ни эълон қилди. Унга кўра, айрим ҳудудларда сел-сув тошқинлари хавфи кутилмоқда
Жорий йилнинг 7-9 июл кунлари кутилаётган ёмғирлар ёғиши сабабли, республиканинг тоғ олди ва тоғли ҳудудларида, жумладан:
Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;
Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
Фарғона вилояти: Сўх, Фарғона, Бешариқ туманларида, Шоҳимардонда;
Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонобод шаҳрида сел-сув тошқин ҳодисалари юзага келиши мумкин.
Тоғ олди ва тоғли ҳудудларда истиқомат қилувчи фуқаролар, дам олувчилар ҳамда тоғли худудларда ҳаракатланувчи ҳайдовчилардан эҳтиёткорлик чораларини кўриш сўралган.
Тошкент вилояти ва Фарғона водийси ҳудуди бўйича ёмғир сувлари тўпланиши эҳтимоли бор, бу ҳудудларнинг сув босишига олиб келиши мумкин, дейилади ахборотда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter