8 ёшли қизга бургут ҳужум қилди (видео)
Кеча, 15 июль куни Қирғизистоннинг Иссиқкўл вилояти Тон туманида бўлиб ўтган «Тескей жээк» этнофестивали вақтида бургут 8 ёшли қизга ҳужум қилди. Бу ҳақда «nts.kg» хабар берди.
Фестивал вақтида қизча овчи қушлар намойиш этиладиган майдончага югуриб чиққан. Йиртқич қуш қизга ташланиб, уни панжаси билан исканжага олган. Видеодан кўриш мумкинки, фестивал иштирокчилари тезда қизчани бургут жангалидан қутқариб олган. Аммо бунгача йиртқич қизга жароҳат етказишга улгурган. Жабрланувчи шифохонага олиб борилган. Унга тиббий ёрдам кўрсатилган.
Мутахассисларнинг айтишича, ҳалиям бургутнинг ҳужуми у ҳайвонларга ҳужум қиладиганчалик кучли бўлмаган.
Мазкур этнофестивал дастуридан кўчманчиларнинг урф-одатлари, ўйинлари, ҳунармандлар кўргазмалари қатори овчи қушлар билан кўргазмали чиқишлар ҳам ўрин олган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter