Мексиканинг Плая-дель-Кармен шаҳридаги Ксенсес аквапаркида коронавирусдан қутулганини ота-онаси билан нишонлаётган ўспирин очиқ сув фильтрига тиқилиб қолди ва чўкиб кетди. Бу ҳақда «The Sun» нашри хабар бермоқда.

27 март куни 13 ёшли Леонардо Луна Герреро ота-онаси ва учта ака-сингиллари билан кўнгилочар паркка боришган. Оила Леонардонинг COVID-19 дан тузалганини шу тарзда нишонлашга қарор қилганди.

Йигитнинг оёғи сув фильтрига тиқилиб, уни сув остига торта бошлаган. Дастлаб оила Леонардо сувга остига шўнғиб ҳазиллашяпти деб ўйлаган, аммо кўп ўтмай бу ўйин эмаслиги аён бўлган. Боланинг отаси, кардиолог Леонардо Мигель Aнхел Луна Кальво ўғлини қутқаришга бўлган барча уринишлари бесамар кетди.

Ўсмирни фильтрдан чиқариб олгандан сўнг отаси унга сунъий нафас юборган. Ҳодиса жойига етиб келган шифокорлар уни шошилинч равишда шифохонага етказишган. Бироқ эртаси куни йигит чўкиш натижасида келиб чиқан ўпкадан қон кетиш оқибатида шифохонада жон берди.

Парк маъмурияти Герреро ўлимидан чуқур қайғуда эканлигини билдирган.

«Паркнинг 30 йилдан ортиқ фаолияти давомида бундай ҳолат ҳеч қачон юз бермаганди», — дейилади улар чоп этган хабарда.

Кейинчалик йигитнинг ўлимига парк ходимининг хатоси сабаб бўлгани аниқланди.