Қашқадарё вилоятининг Миришкор туманида кетма-кет икки зилзила содир бўлди. Бу ҳақда ФВВ Сейсмопрогностик мониторинг Республика маркази хабар қилди.

Дастлаб, маҳаллий вақт билан 07.03.2024 00:33 да (06.03.2024 йил, Гринвич бўйича 19:33 да) эпицентри Қашқадарё вилояти, Миришкор туманида зилзила қайд этилди. Зилзила координаталари: 38,77 градус шимолий кенглик; 64,95 градус шарқий узунлик. Магнитуда М=4,4. Чуқурлик 11 км. Зилзила эпицентри Тошкентдан 457 км жанубий-ғарбда.

Бу зилзиланинг сезилиш кучи:

Касби туманида 2-3 балл, 45 км.

Нишон туманида 2 балл, 61 км.

Муборак туманида 2 балл, 64 км.

Қоравулбозор туманида 2 балл, 71 км.

Қарши шаҳрида 2 балл, 72 км.

Қарши туманида 2 балл, 73 км.

Косон туманида 2 балл, 81 км.

Олот туманида 2 балл, 90 км.

Яна шу вақтда, 07.03.2024 00:33 да (06.03.2024 йил, Гринвич бўйича 19:33 да) яна Миришкор туманида ер қимирлади. Зилзила координаталари: 38,76 градус шимолий кенглик; 64,85 градус шарқий узунлик. Магнитуда М=4,6. Чуқурлик 10 км. Зилзила эпицентри Тошкентдан 464 км жанубий-ғарбда.

Бу зилзиланинг Ўзбекистон Республикаси ҳудудида сезилиш кучи:

Қашқадарё вилоятида 2 балл, 81 км.

Бухоро вилоятида 2 балл, 117 км.

Эслатиб ўтамиз, бир неча кун аввал ҳам Миришкорда ер силкиниши кузатилган эди.