Андроид қурилмалар учун Xabar.uz мобил иловаси. Юклаб олиш ×

ЙПХ инспекторларини кетма-кет «уриб кетган» ҳайдовчига жиноят иши қўзғатилди

ЙПХ инспекторларини кетма-кет «уриб кетган» ҳайдовчига жиноят иши қўзғатилди

Фото: «Xabar.uz»

Воқелик шу йилнинг 18 январь куни куппа-кундузи юз берди.

Пойтахтнинг М.Улуғбек туманидаги ТХАЙ ва Дўрмон йўли кўчаси кесишган чорраҳада Тошкент шаҳар ИИББ ЙХҲБ ЙПХБ ЙПХ инспектори Б.Султонов (1981 й.т.) «Spark»  бошқариб келаётган Ш.Диллаевга (1993 й.т.,ишсиз) тўхташ ишорасини қилади. Бироқ ҳайдовчи талабга бўйсунмайди, аксинча, ҳаракатни давом эттириб, камига автомашинанинг олд ўнг томони билан инспекторни «туртиб» кетади. 

Авайхон кўчасидаги чорраҳада унинг йўлидан яна бир инспектор — У.Қўчқоров (1982 й.т.) чиқиб, у ҳам тўхташ ишорасини қилади. Ҳайдовчи бу сафар ҳам талаб бўйсунмай, бу инспекторниям автомашинанинг олд ўнг томони билан «бир туртиб», ҳаракатни давом эттираверади. Бироқ узоққа боролмайди: зарур чоралар қўлланиб, ИИБ ходимлари томонидан ушланади.

Бош прокуратура матбуот хизматига кўра, куни кеча Мирзо Улуғбек туман прокуратураси томонидан Ш.Диллаевга нисбатан ЖКнинг 219-моддаси 1-қисми (хизмат вазифасини бажараётган ҳокимият вакилининг қонуний фаолиятига фаол қаршилик кўрсатиш) жиноят иши қўзғатилди. Тергов ҳаракатлари олиб борилмоқда.

Воқеа натижасида инспекторлар тан жароҳати олган-олмаганлиги ҳақида ҳозирча маълумот йўқ.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг