Андроид қурилмалар учун Xabar.uz мобил иловаси. Юклаб олиш ×

Бухорода 1 млрд сўмлик пиротехника воситаларини олиб кетаётган шахс қўлга олинди

Бухорода 1 млрд сўмлик пиротехника воситаларини олиб кетаётган шахс қўлга олинди

Бухорода фуқаро юк машинасига 19 турдаги 7016 дона салютларни юклаб, уларн $83 мингга сотмоқчи бўлган вақтида ушланган.

Қайд этилишича, Бухоро шаҳрида ўтказилган тезкор тадбирда аввалдан кузатувга олинган шахс юк автотранспорт воситасига ортилган пиротехника воситаларини 83 минг АҚШ долларига сотишга келишиб, шундан 50 минг АҚШ долларини қабул қилиб олаётган вақтида тезкор ходимлар томонидан қўлга олинган.

Шаҳардаги ов қуролларини сотиш учун мўлжалланган савдо дўконидан юк автотранспорт воситасига ортилган ушбу пиротехника воситалари кўздан кечирилганида, 19 турдаги 7016 дона салютлардан иборат эканлиги маълум бўлган.

Дастлабки ҳисоб-китобларга ушбу ҳолатда олиб қўйилган пиротехника воситаларининг умумий қиймати 1 млрд сўмни ташкил қилмоқда.

Ҳолат юзасидан божхона органлари томонидан терговга қадар текширув ҳаракатлари олиб борилмоқда.

Маълумот учун, мазкур салютлар хавфлиликнинг II классига тегишли бўлиб, 2021 йилнинг 2 декабридан эътиборан жисмоний ва юридик шахслар томонидан Ўзбекистон ҳудудига олиб кирилиши, реализация қилиниши ва фойдаланилиши тақиқланади.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг