Андроид қурилмалар учун Xabar.uz мобил иловаси. Юклаб олиш ×

Чорраҳада «пранк» уюштирган тиктокчилар қамалди

Чорраҳада «пранк» уюштирган тиктокчилар қамалди

Чилонзор метро бекати олдидаги чорраҳада юз берган ҳолат  ижтимоий тармоқларда кенг муҳокамаларга сабаб бўлди.

Бугун, 2 июн куни очиқ суд мажлисида М. Т. (2000 йилда Тошкент вилоятида туғилган) ва Д. П. (2004 йилда Тошкент шаҳрида туғилган, муқаддам маъмурий жавобгарликка тортилган) га оид маъмурий ҳуқуқбузарлик тўғрисидаги иш кўриб чиқилди.

Жиноят ишлари бўйича Чилонзор туман судининг 2023 йил 2 июндаги қарорига кўра М. Т. ва Д. П. Маъмурий жавобгарлик тўғрисидаги кодекснинг 183-моддаси (майда безорилик) да назарда тутилган ҳуқуқбузарликни содир қилган деб топилиб, ушбу кодекснинг 32-моддаси (маъмурий жавобгарликни оғирлаштирувчи ҳолатлар) 4-қисми тартибида уларнинг ҳар бирига 3 сутка маъмурий қамоқ жазоси тайинланди.

Ушбу қарордан норози тарафлар қонунда белгиланган тартиб ва муддатда Тошкент шаҳар судининг апелляция инстанциясига шикоят бериш ва протест билдиришга ҳақлилиги маълум қилинади, дейилади расмий хабарда.

Аввалроқ метродаги «шилқим тиктокчи»лар 5 суткага қамалганди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг