Қозоғистонда ҳибсга олинган ўзбек ёрдамга муҳтожлиги айтилмоқда
Таниқли шифокор ва адиба Муаззам Иброҳимова «Фейсбук» тармоғидаги саҳифасида ташвишли хабар қолдирди.
Унга қозоқ дўстларидан бирининг хабар беришича, Олмаотага яқин Талғар деган туманда сирдарёлик Э.Н.Холмирзаев (ёши 40-45 оралиғида) уч ойдан бери ҳибсда ушлаб турилибди. Ўзбекистондан май ойида иш излаб келган ҳамюртимиз зўрлаш жиноятида гумон қилинмоқда. Гумондорнинг Қозоғистонда ҳеч кими йўқ. Қариндош-уруғларига телефон қилишига рухсат беришмаяпти. Адвокат ҳам берилмаган.
«Мен у одамни умуман танимайман, — дея алоҳида таъкид этади хабарида. — Айбдор ёки айбсизлигини ҳам билмайман. Шу хабарни тарқатиб юборайлик, зора йигитнинг яқинларига хабар етиб борса ёки Қозоғистондаги Ўзбекистон элчихонаси ишни ўрганиб, юртдошимизга амалий ёрдам беришса...».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter