«Gold.ru» хабар беришича, 2018 йил июнь ойида Швейцария бошқа мамлакатларга олтин экспортини 2017 йилнинг шу ойидагига нисбатан сезиларли даражада камайтирган. Бироқ битта истисно бор: Хитойга экспорт шу ойда 59 фоизга ошди ва 61 тоннани ташкил этди.

Ҳиндистон эса июнь ойида 19 тонна швейцар олтинини сотиб олган.

Швейцария божхона хизмати маълумотларига кўра, бу йил июнь ойида 485060 млн. швейцар франки қийматига тенг 117,57 тонна олтин экспорт қилинган. 2017 йилнинг июнь ойига солиштирилса бу 23 фоизга камдир.

Альп мамлакатининг ўзига июнь ойида Буюк Британиядан 46 тонна, АҚШдан 10,98 тонна сариқ металл импорт қилинган. Гарчи Аргентинадан 44 тонна олтин импорт қилинган бўлса-да, бу мамлакат олтини тоза эмаслиги учун анча ишлов талаб, шунга яраша қиймати ҳам паст.

Эслатиб ўтамиз, Швейцарияда жаҳон олтинининг 2/3 қисми қайта ишланади. Охирги йилларда аксарият Ғарб мамлакатлари катта ёмбиларни эритиб, кичик қуймаларга айлантириш учун ҳам бу мамлакатга кўп олтин жўнатишяпти — негаки, бундай қуймаларга Осиёда талаб жуда юқори.