«Бизнесни ривожлантириш банки», «BRB Tech» компанияси ва Тошкент шаҳридаги Амити университети ўртасида ҳамкорлик меморандуми имзоланди.

Мазкур ҳужжат биргаликда олиб бориладиган саъй-ҳаракатлар мажмуини назарда тутади.

Меморандумга мувофиқ томонлар қуйидаги йўналишларда ҳамкорликни амалга оширишади:

• Замонавий ахборот технологиялари ва таълим фаолияти соҳасида Ўзбекистон Республикасида ахборот жамиятини янада ривожлантириш учун устувор аҳамиятга эга бўлган тадқиқотларни татбиқ этиш;
• Сунъий интеллект технологияларини банк соҳасига жорий этиш йўналишида илмий- тадқиқот фаолиятини амалга ошириш;
• Ўзаро манфаатли қўшма анжуманлар, тадбирлар, семинарлар, академик машғулотлар ташкил этиш;
• Илмий-тадқиқот фаолиятини амалга ошириш;
• Белгиланган вазифаларни бажариш учун томонлар, бинолар, техника ва жиҳозлардан фойдаланиш имкониятини яратиш;
• Ишлаб чиқариш амалиётини ўтказиш, кадрлар тайёрлаш сифатини ошириш;
• Ўзаро келишув бўйича бошқа йўналишлар.

Яна бир янгилик – KPMG халқаро компанияси билан ҳамкорликда «Бизнесни ривожлантириш банки»нинг 2024-2026 йилларга мўлжалланган ривожлантириш стратегияси ишлаб чиқилмоқда. Мазкур ҳужжат лойиҳаси яқинда банк ходимлари иштирокида ўтказилган стратегик сессияда қизғин муҳокама қилинди.

Банк ахборот хизмати