Бош прокурорнинг янги йил совғалари тарқатилди
Бош прокуратура ҳамда унинг касаба уюшмаси қўмитаси ташаббуси билан Тошкент вилоятидаги меҳрибонлик уйи тарбияланувчилари ҳамда уйда якка тартибда таълим олаётган имконияти чекланган болалар учун байрам тадбири ташкиллаштирилди.
Тадбир давомида Бўка туманидаги 15-Меҳрибонлик уйи ва Ўрта Чирчиқ туманидаги 124-мактаб-интернати тарбияланувчилари ҳамда уйда якка тартибда таълим олаётган жами 165 нафар болаларга Ўзбекистон Республикаси Бош прокурорининг янги йил совғалари топширилди.
Бундан ташқари, тадбирни кўтаринки руҳда ўтказиш учун «Қорбобо ва қор қиз»нинг қизиқарли чиқишлари намойиш этилди.
«Келгусида болаларни маънавий ва ахлоқий соғлом руҳда тарбиялаш, ўзларига бўлган ишончни мустаҳкамлаш, уларнинг келажакда ижтимоий ҳаётда фаол иштирок этишида кўмаклашадиган тўлиқ ва муносиб шароитларда камол топишларига қаратилган бундай тадбирларни кўплаб ўтказилиши режалаштирилган», дейилади Бош прокуратура матбуот хизмати хабарида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter