«Сумалак базми»нинг ярим-ялонғоч қатнашчилари 15 суткага қамалди
2021 йилнинг 21 март куни ижтимоий тармоқларда Урганч шаҳридаги «Сахара» кафеси олдида шу кафеда ишловчи бир гуруҳ хотин-қизлар ярим-ялонғоч кийинган ҳолда сумалак пишираётганликлари акс этган видео тарқалганди.
23 март куни мазкур аёлларга нисбатан ҳолат Жиноят ишлари бўйича Урганч шаҳар судида кўриб чиқилди.
Уларнинг 3 нафари Маъмурий жавобгарлик тўғрисидаги кодекснинг 183-моддаси бўйича айбдор деб топилиб, 15 сутка маъмурий қамоқ жазоси тайинланди.
Шунингдек, қамоқда сақлаш билан боғлиқ харажатлар учун суткасига БҲМнинг 15% миқдорида жами 551 200 сўм ундирилиши белгиланди.
«Сумалак базми»нинг қолган уч нафари Маъмурий жавобгарлик тўғрисидаги кодекснинг 183-моддаси бўйича айбдор деб топилиб, оилавий аҳволи, фарзандлари борлиги инобатга олиниб, БҲМнинг 5 баравари (1 млн 225 минг сўм) миқдорида жаримага тортилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter