Норвегия футбол ассоциацияси президенти Лиза Клавенесс АҚШ раҳбари Доналд Трамп устидан арз қилиш ҳақида гапирди.

АҚШ терма жамоаси ҳужумчиси Фоларин Балогуннинг қизил карточкаси Доналд Трампнинг аралашувидан сўнг бекор қилинганди. 

«Бу иш жуда жиддий, умид қиламанки, бу одамларга бундай муаммоларни кўтаришдан қўрқишни бас қилишга ёрдам беради. Мен бу масалани ассоциациямиз бошқарув кенгаши йиғилишига олиб чиқаман, биз уни муҳокама қиламиз ва кейин зарур чораларни кўрамиз. Менимча, бу воқеа ФИФА ахлоқ қўмитаси томонидан кўриб чиқилиши керак», деди Клавенесс. 

Балогун Босния ва Герцеговинага қарши ўйинда майдондан четлатилди. ФИФА қоидаларига кўра, у Жаҳон чемпионати 1/8 финалида Белгияга қарши ўйинда майдонга туша олмас эди. Бироқ, ФИФА ҳужумчининг жазосини тўхтатиб қўйди.

Кўп ўтмай, оммавий ахборот воситаларида АҚШ президенти Доналд Трамп шахсан Инфантинога қўнғироқ қилиб, Балогуннинг дисквалификациясини бекор қилишни талаб қилгани ҳақида хабарлар пайдо бўлди. Кейинчалик АҚШ президенти ўз қўнғироғини тасдиқлади.