«Иккинчи тўлқин»: АҚШ коронавируснинг грипп билан иттифоқидан хавотирда
АҚШ келгуси қишда коронавируснинг иккинчи, янада оғир тўлқини билан тўқнашиши мумкин. Бу ҳақда Қўшма Штатларнинг касалликлар назорати ва профилактикаси маркази раҳбари Роберт Редфилд маълум қилди, деб ёзмоқда «Washington Post» 21 апрель кунги хабарида.
Редфилднинг айтишича, келгуси қишда эҳтимоли тутилаётган вирус ҳужуми АҚШ ҳозир бошдан ўтказаётганидан анчайин мураккаб бўлади.
Нега мураккаб?
Гап шундаки, Редфилднинг эҳтимолда тутишича, «Коронавирус-2» мавсумий грипп билан бир пайтга тўғри келиб қолиши мумкин. «Икки респиратор хасталик иттифоқи»га қарши эҳтимолий урушда АҚШ соғлиқни сақлаш тизими ақл бовар қилмас босим остида қолади.
Дунёнинг энг тараққий этган мамлакати коронавируснинг энг оғир имтиҳонидан ўтяпти: жаҳон бўйича коронавирус 2,5 миллиондан ортиқ инсонда аниқланган бўлса, шулардан ҳар учинчиси — америкалик. Мамлакатда вирус қурбонлари сони битта шаҳар аҳолисига тенглашиб қолди — 45 343 нафар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter