ДХХ Бош бошқармаси бошлиғи Агзам Избосаров вафот этди
Жорий йил январь ойидан ДХХ Бош бошқармаси бошлиғи лавозимида иш бошлаган полковник Избосаров Агзам Фахриддинович вафот этди.
Избосаров Агзам Фахриддинович техника фанлари номзоди (PhD), техника фанлари доктори (DSc) илмий даражаларига эга. У 2005 йилда «Ўзбекистон Республикасида хизмат кўрсатган алоқа ходими» фахрий унвони ҳамда 2021 йилда «Мардлик» ордени билан тақдирланган.
2023 йил 12 июнда «Ҳудудий электр тармоқлари» АЖ бошқарув раисининг Электр тармоқларидан фойдаланиш бўйича биринчи ўринбосари лавозимига тайинланган Агзам Избосаров 2025 йил 6 январда бу лавозимдан озод этилган ва ДХХ Махсус алоқа бўлими бошлиғи лавозимига тайинланган эди.
«Ҳудудий электр тармоқлари»даги фаолиятига қадар эса А.Избосаров Ўзбекистон Республикаси Қуролли кучлари Бош штаби Алоқа бошқармаси бошлиғи лавозимида иш олиб борган.
«Xabar.uz» жамоаси марҳумнинг оила аъзолари ҳамда яқинларига чуқур таъзия изҳор этади ва ҳамдардлик билдиради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter