Баҳорнинг илк кунларида Тошкент шаҳрида Ўзбекистон Миллий тадқиқот университети томонидан «Aёлларнинг фандаги ўрни мавзусида мулоқот» халқаро анжумани бўлиб ўтмоқда. ЮНЕСКОнинг Алмати шаҳридаги ваколатхонаси, Ривожланаётган мамлакатлар учун илм-фан соҳасида аёллар ташкилоти (ОWСД), Ўзбекистон Республикасининг ЮНЕСКО ишлари бўйича Миллий комиссияси ҳамда Бирлашган Миллатлар Ташкилоти Озиқ-овқат ва қишлоқ хўжалиги ташкилотининг (ФAО) Ўзбекистон Республикасидаги Ваколатхонаси билан ҳамкорликда ўтказилаётган ушбу анжуманнинг асосий мақсади илм-фан, технология ва инновацияларда гендер тенглигига қандай эришиш мумкинлиги бўйича тажриба алмашиш.

Маълумот учун: бугунги кунда республикамизда фан докторларининг сони 700 дан ортиқ, фан соҳасида изланиш олиб бораётган аёллар сони 5 мингдан зиёд, олий таълим юртларида дарс бераётган хотин-қизлар сони 14 мингдан ошади.   

Анжуман доирасида 2019 йилдан бошлаб Бирлашган Миллатлар Ташкилоти Озиқ-овқат ва қишлоқ хўжалиги ташкилоти Ўзбекистон Республикаси Ваколатхонасининг ташаббуси билан «Ўзбекистон тоғ ва водий ўрмонларини барқарор бошқариш» ФAО/ГЕФ лойиҳаси бўйича гендер тенглиги стратегияси ишлаб чиқилиб, бугунги кунда самарали амалга оширилаётганига урғу бериб ўтилди.