Ўзбекистон Науру давлати билан ҳам дипломатик алоқа ўрнатди
Шу йилнинг 21 март санасида АҚШнинг Нью Йорк шаҳрида Ўзбекистон ва Науру ўртасида дипломатик муносабатлар ўрнатиш тўғрисидаги ҳужжат имзоланди. Бу ҳақда «Дунё» АА хабар берди.
Ҳужжатни икки мамлакат ҳукумати номидан Ўзбекистоннинг БМТдаги вакили Улуғбек Лапасов ва Наурунинг БМТдаги вакили Лара Эраб Даниел имзолади. Иккала томон халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни кучайтиришга тайёр эканликларини айтишди.
Шундай қилиб, Науру мамлакати Ўзбекистон билан дипломатик алоқа ўрнатган 159-давлат бўлди.
Эслатиб ўтамиз, жорий йилнинг 22 февраль куни Ўзбекистон Суринам билан дипломатик алоқа ўрнатганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter