Шарқ гавҳари Бухорода ҳақиқий медиа-инқилоб юз берди! Учинчи куннинг ўзидаёқ иштирокчилар шунчаки билим олишмади, балки замонавий медианинг ҳақиқий драйверларига айланишди.

Оддий воқеадан ҳам тренд даражасидаги контент яратиш, кутилмаган ракурслар ва янги қаҳрамонлар кашф этилди!

Журналистика, SMM, мобилография, медиахавфсизлик ва энг асосийси, сунъий интеллект (AI) бўйича энг сара маҳорат дарслари якунланди.

Қатнашчилар медиа майдонида ўз овози ва шахсий брендига эга бўлган чинакам ижодкор сифатида шаклланишди!

Бухоро марафонни юқори нотада якунлади, лекин тўхташ йўқ! Энергия ва шиддат энди водийга кўчмоқда!

18–22 май кунлари Фарғона вилояти рақамли контент ва медиа оламининг марказига айланади! Агар сиз трендда бўлишни ва соҳани ичидан портлатишни хоҳласангиз, бу имкониятни ўтказиб юбормаслигингиз керак.

Матбуот котиблари, журналистлар, блогерлар, SMM мутахассислари, мобилографлар ва контент яратишга қизиқувчи барча фарғоналик креатив ёшларни навбатдаги «Медиа ҳафталик»ка чорлаймиз.

«Фарғона экспо» марказида бўлиб ўтувчи «Медиа ҳафталик»да иштирок этиш учун вилоят ҳокимлиги ахборот хизмати, вилоят Ёшлар ишлари бошқармаси ёки 91-730-45-69 телефонига зудлик билан боғланинг!