Пянич Файзуллаевга «Барса»га қандай ўтиш ҳақида маслаҳат берди
Москванинг ЦСКА клуби ярим ҳимоячиси Миралем Пянич жамоадоши Аббосбек Файзуллаевнинг «Барселона» ўйинчиси бўлиш орзусини қандай амалга ошириши мумкинлигини айтди.
«Аббос ажойиб фазилатларига эга. Агар у «Барселона»га ўтишни истаса, орзусига ишониши ва унга қараб ҳаракат қилиши керак. Йўл жуда қийин ва узоқ, аммо ҳар қандай ҳолатда ундан узоқлашмаслиги лозим. Ҳар куни жиддий ишлаши, машқ қилиши ва ҳамма нарсада яхшироқ бўлишга интилиши зарур. Бошқа тавсиям йўқ», — дейди «Барселона» собиқ футболчиси.
Маълумот учун, ўзбекистонлик футболчи 2023 йил ёзидан бери москваликлар таркибида тўп тепиб келмоқда. Бу даврда у барча турнирларда 60 ўйинда иштирок этиб, 8 та гол ва 21 та голли пас берди. Футболчининг клуб билан амалдаги шартномаси 2026 йил ёзигача амал қилади. «Transfermarkt» портали тақдим этган маълумотларга кўра, ҳозирда футболчининг нархи 8 миллион еврони ташкил қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter