Европа лигаси. «Манчестер Юнайтед» Билбаодан ғалаба билан қайтди
Европа лигаси 1/2 финали биринчи учрашувида сафарда тўп суришига қарамасдан, «Манчестер Юнайтед» (Англия) «Атлетик» (Испания) устидан ишончли ғалаба қозонди.
Билбаодаги «Сан Мамес» стадионида ўтган ўйин 3:0 ҳисобида меҳмонларнинг фойдасига якунланди. Биринчи голни Каземиро 30-дақиқада киритди. 35-дақиқада «Билбао» ҳимоячиси Дани Вивиан қизил карточка олди, 37-дақиқада эса Бруну Фернандеш пеналтини голга айлантирди. У 45-дақиқада дублни расмийлаштириб, ғалабани янада мустаҳкамлади.
Ушбу жуфтликнинг жавоб ўйини 8 май куни «Олд Траффорд»да бўлиб ўтади.
Ярим финалнинг иккинчи жуфтлигида Норвегиянинг «Будё-Глимт» клуби сафарда «Тоттенҳэм»га 1:3 ҳисобида енгилди. Голларни «Тоттенҳэм»дан Бреннан Жонсон (1), Жеймс Мэддисон (34), Доминик Соланке (61, пеналти), меҳмонлардан Улрик Салтнес (83) киритди.
Инглизча финал бўлиши эҳтимоли анча ошди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter