Германия термасига 3та гол урган футболчи «Пахтакор» сафига ўтди
Швейцария терма жамоаси сафида жаҳон ва Европа чемпионатлари финал босқичи иштирокчиси бўлган тажрибали ҳужумчи Эрен Дердийок «Пахтакор»нинг навбатдаги трансферига айланди. Футболчи жамоа билан эркин агент сифатида икки йиллик шартномага имзо чекди, деб хабар берди клуб матбуот хизмати.
Дердийок фаолиятини Швейцариянинг «Олд Бойз» жамоасида бошлаган. Кейинчалик яхши ўйинлари билан ўша пайтда мамлакатда гегемон саналган клуб «Базель» эътиборини жалб қилган. Шундан сўнг Германия бундеслигасида «Байер» ва «Хоффенхайм» клублари шарафини ҳимоя қилган.
2014 йилдан у фаолиятини Туркияда давом эттириб, «Қосимпошо», «Галатасарой» ва «Гўзтепе» жамоаларида тўп тепди. «Базель» ва «Галатасарой» таркибида Швейцария ва Туркия чемпионига айланган.
Миллий терма жамоаси сафида кўплаб ўйинлар ўтказган. Ҳатто 2012 йили Германия терма жамоаси дарвозасига учта гол уриб, хет-трик қайд этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter